محمد سراج الدين يرد على مرتضي منصور

صلاح محمد
منذ 4 أسابيع
محمد سراج

علق محمد سراج الدين عضو مجلس ادارة النادي الاهلي، على تصريحات مرتضي منصور رئيس نادي الزمالك.

وكتب عبر صفحته الرسمية على مواقع التواصل الاجتماعي "فيس بوك":" طيب أول حاجة كده لما تيجي تكلم على أسيادك وسيدك بالذات".

وقال: "اللي هو أبويا اللواء زكريا سراج الدين رحمة الله عليه يبقى توقف تعظيم سلام ورأسك في الأرض كده عشان ده في وقت من الأوقات لما كان بيحارب مع الجيش كنت انت ساعتها بتقلب فلوس الشعب والجيش في توظيف الأموال المضروبة وتهريب العملة".

واضاف:" تاني حاجة هو ده نفس الموضوع الفشنك المضروب اللي اتقال من اللي مشغلك من سنتين ونصف وانا كنت عارف ان انت اللي كنت قايله وضارب اي هتش شبهك كالعادة وأقحمت نفسك في الخناقة بيني وبينه عشان تاخد قرشين ودي شغلتك المعتادة مفيش مشكلة والمعروفة عنك عادي وده سبب ما بعد كده أقحمتك انا مش بعمل حاجة اعتباطاً عشان جمهور الزمالك كان مستغرب وقتها اقحمتك ليه وايه علاقتك وكده يارب تكونوا فهمتوا دلوقتي".

وتابع: "وبعدين لما تشتغل عصفورة مع واحد مش ابن بلدك على واحد من بلدك اشتغلها صح طيب عشان منظرنا وسمعتنا في الوطينة انت المفروض رجل وطني بس انا بقترح عليك تشيل كلمة الرجل الوطني دي بقى وتحط مكانها الرجل الوtي ولما تحب تقول معلومة اعلمك انا بقى تقولها صح ازاي يعني أرض يبقى تقول فين مكانها وجابها امتى وورقها ايه وفين زي الشاطر كده مش كلام مرسل".

واختتم:" تاريخك أسود ومصر كلها عارفة فأوعى أوعى مجرد التفكير تحاول تحط نفسك بس كده ولو من بعيد بالشرفاء أسيادك اللي مصر برضه كلها بفضل الله عارفة سمعتهم كويس".

التعليقات