"أنا اتهانت وعاوز حقي".. حسام حسن يوجه رسائل نارية بعد خسارة أمام الأهلي

حسام حسن

أكد حسام حسن، المدير الفني للفريق الأول لكرة القدم بالنادي المصري البورسعيدي، أنه تعرض للاهانة من حكم الراية في مباراة الأهلي والمصري، ببطولة الدوري الممتاز.

وقال حسام حسن، في مداخلة هاتفية ببرنامج "اللعيب" المذاع عبر فضائية "ام بي سي مصر" :"حكم الراية بيهددني على الخط بيقولي (مش هسيبك إلا لما أبطلك كورة)، دي بالنسبالي كأن واحد بيقتلني، أنا دخلت المؤتمر الصحفي عشان أخد حقي".

وأضاف: "أنا مش مصدق إن الحكم قبل ما يتولد كان حسام حسن بيلعب كورة، يقولي هبطلك كورة".

وواصل: "أنا مش هتكلم على التحكيم وإن كان لينا ضربة جزاء وهدف تم إلغاءه او في أي أمور تخص المباراة، في حاجة اسمها كرامة، أنا حاصل على وسام الجمهورية بعد كأس العالم 90، حكم راية يتحدث معي بتلك الطريقة!، يبقى هو متأكد إن مفيش اتحاد الكورة هيحاسبه".

وأردف: "أنا مش هطلب حاجة من وزير الرياضة ولا رئيس الوزراء، أن بطلب من الرئيس عبد الفتاح السيسي، رئيس الجمهورية يجبلي حقي، في واحد في المنظومة قلل مني وأنا على الخط ونفسي حد يحاسبه".

واسترسل :"أنا متأكد إن وزير الشباب مش هيحاسبه ولا اتحاد الكرة.. أنا وابراهيم لم نطلب تدريب المنتخب ولا المسؤولين في الرياضة احترموا الرأي العام الذي طالب بوجودنا لتدريب المنتخب".

وزاد: "أنا مش واخد حقي في شغلي وفي تعبي سواء واحنا بنلعب ولا احنا بندري، أنا مش واخد حقي حتى في الاحترام، لما يكون مواطن بيستغيث بمنظومة والمنظومة فاسدة، لا أنا بتكلم مع أعلى مكان في البلد وهو رئيس الجمهورية، لأن مافيش حد اعتمد عليه في اتحاد الكرة ولا أثق فيه أنه يجبلي حقي، في رئيس الجمهورية ومن بعده رئيس الوزراء، في واحد له مكانة في الكورة في مصر اتهان من حكم راية، أنا عاوز حقي".

التعليقات