مرتضى منصور لـ كهربا: "هقسطلك بالمريح بشرط"

وجه المستشار مرتضى منصور، رئيس نادي الزمالك، رسائل نارية إلى محمود عبد المنعم "كهربا"، جناح الفريق الأول لكرة القدم بالنادي الأهلي.

وقال مرتضى منصور، في تصريحها تليفزيونية عبر فضائية "الزمالك": "بقول لكهربا، أمامك مهلة 6 أيام، من الفيفا، وهناك جلسة يوم 2 فبراير المقبل، وأنا بنصحك لوجه الله لأخر مرة، لو خدت عقوبة الإيقاف 3 فترات، ستصل إلى سنة ونصف، حتى لو دفعت مليار جنيه مش هتتلغي، الإيقاف ده قرار من الفيفا".

وأضاف: "أنا مستعد أقسطلك، هات والدك ووالدتك وأختك، وتعالى النادي وأعمل فيديو 3 دقائق، قول فيه النادي والشخص الذي حرضك على الهروب من الزمالك، وأنا بعد 5 دقايق هقسطلك بالمريح.. انقذ نفسك يابني، أنت عرفت دلوقتي انهم بيضحكوا عليك، وعرفت ان الأسطورة مزيفة".