مرتضى منصور ينشر لافتة الزمالك نادي القرن الحقيقي على كل أسوار النادي

لافتة نادي القرن

شن المستشار مرتضى منصور رئيس نادي الزمالك هجوما جديدا على محمود الخطيب رئيس مجلس إدارة النادي الأهلي بسبب سوء معاملة الأهلي (على حد وصفه) للاعبي الزمالك الصغار في مباراة بالقلعة الحمراء.

وقال مرتضى منصور في فيديو تم بثه عبر حسابه الشخصي على موقع «فيسبوك» :«اليوم الأهلي لعب في الكرة الطائرة هنا واستقبلناهم بكل حب واحترام».

وتابع : «فيه فرق بين نادي الزمالك من ساعة مرتضى منصور ما جاء واصبح نادي الزمالك والأخلاق وبين نادي تاني ضربوا العيال اللي قد احفادنا 15 سنة وأمهاتهم والبيه ما عملش اعتذار ليه أصل أنا بيبو، أنا بقول لك: أنت ولا حاجة أنت قد كده».

وأضاف مرتضى منصور موجها كلامه للخطيب: «كان لازم تعمل بيان اعتذار زي ما احنا بنعمل، أنت عايش في دور إنك أقوى من كل الناس اللي في الدولة ودي مش حقيقة، انظر في المرأة وبص في التاريخ، وأقعد مع المسؤولين في الدولة اللي بتقول كل شوية الزمالك الدولة معاه، الدولة معايا وبيحبسوني الدولة معايا وبيحلوني وبيسقطوني في مجلس النواب بالتزوير، يا عم مش عايزها معايا وخليها معاك شوية وخليهم يحبسوك بقى أو يسقطوك».

التعليقات