فيديو.. شوبير يوجه رسائل نارية إلى جمهور الأهلي

معاذ محمد
منذ أسبوع
احمد شوبير

وجه الإعلامي أحمد شوبير، رسالة نارية إلى جمهور النادي الأهلي، بسبب هجومه على لاعبي الفريق الأول لكرة القدم بالقلعة الحمراء في الفترة الأخيرة.

وقال أحمد شوبير، في تصريحات تليفزيونية عبر فضائية "أون تايم سبورتس":"أنا دائمًا وأبدًا أشيد بجماهير النادي الأهلي، وجماهير جميع الأندية الشعبية، ولكن على مدار 20 سنة كلاعب في النادي الأهلي من 77 حتى 97، كانت الجماهير بتغضب مننا، لأننا كنا بنخسر، كل أنور البطولات بنكسبها وأحيانًا بنخسرها، أنا على مدى العمر ده مشوفتش غير 3 هتافات (عليه العوض) وهذا الهتاف كان بيبقى أكتر مع المنتخب، وكان هناك هتاف مش لطيف، وهو جماعي للاعبين، ولكن عمر ما الجمهور اختصني بهتافات على الرغم من ان الأهلي خسر مباريات كثيرة بسببي وبسبب غيري من اللاعيبة"، مضيفًا :"عمري ما نزلت مباراة والجمهور شتمني بالأسم أنا وغيري من اللاعبين، من الممكن أن يتجاهلني ولا يوجه لي التحية".

وتابع:"خلال مشواري مع الأهلي، لم يحدث مطلقًا ان الجماهير هتفت ضد لاعب بالاسم".

ووجه أحمد شوبير، رسائل إلى جمهور الأهلي قائلاً:"حضرتك عندك شعار (جمهوره ده حماه على الحلوة والمرة معاه)، مش ده شعارك ولا أنا مش واخد بالي، ما تخليك على الحلوة والمرة، ما هو مش كله حلو يعني، ما أنت لازم تجرب شوية مُر".

وأردف:"أغضب أو انفعل ولكن إيه معنى يا حسام يا غالي خد هاني وامشي! يمشوا يروحوا فين! خد عبد الصادق وامشي! ليه هو إيه اللي حصل يعني! كان هناك هتافات أيضًا مش لطيفة لبعض من لاعبي الأهلي".

وأكمل :"أنا اسمع شعارك أصدقك أشوف هتافك استعجب! مش ده وقت المساندة، مين مش مقتنع إن اللاعبين مش في حالة جيدة وإن العروض والنتائج مش جيدة، ولكن في نفس الوقت أن بقولك إن الحد الأقصى لسفر اللاعبين في أوروبا في السنة من 28 إلى 40 ساعة، لاعبو الأهلي تجاوزوا 126 ساعة سفر، كل ده إرهاق، أنا لا أبرر ولا أختلق أعذار ولكن أنا بطرحلك الواقع اللي لازم تبقى عارفه احنا بشر ".

واختتم :"توقيع انك تهاجم اللاعبين وانك دايمًا في حالة غضب، ده مش مقبول، وجودك في المدرج ده شئ رائع، هتافك ومساندتك وغنائك ده شئ رائع، ولكن مش معنى ان فرقتك تخسر تنقلب هذا الانفلاب".

التعليقات