مجلس الاهلي في افتتاح الطائرة

الجارحي: إحنا مش مرشدين عشان نسلم الجماهير

كشف محمد جمال الجارحي عضو مجلس إدارة النادى الأهلى حقيقة تسليمهم بيانات رابطة اولتراس اهلاوي للجهات الامني من اجل القبض عليهم على خليفة احداث مباراة الاهلي ومونانا الجابوني.
 
ونفى الجارحى ما تردد عن تسليم المجلس بيانات مشجعيه للنيابة وقال عبر صفحته الشخصية على موقع التواصل الاجتماعي (فيس بوك):” إدارة الاهلي لم تسلم بيانات الجماهير كما ادعي البعض بناء علي خطا ساذج في صياغة الخبر علي الموقع الرسمي من يومين”.
 
واضاف الجارحي، مش احنا اللي نعمل كدة ، من اول يوم و احنا بنحارب عشان الجمهور يرجع إستاد القاهرة ، من اول يوم خدنا في تنظيم بطولات الطائرة واليد واحنا هدفنا البطولة تتلعب جوة النادي بجمهور وعملنا التذكرة بسعر رمزي عشان الجمهور يملي الصالة”.
 
احنا اكتر ناس مقدرين قيمة الجمهور لكن لما يبقي في قانون منقدرش نخالفة ، وان شاء اللَّه حنتابع مع الناس عشان نتأكد ان مفيش حد مظلوم في القضية..احنا جزء من الجمهور قبل ما نكون أعضاء مجلس إدارة.
 
وكان مجلس إدارة الأهلي قد كلف المدير التنفيذي للنادي بكشف الحقائق كاملة بشأن أزمة بعض الجماهير الخارجة عن القانون في لقاء مونانا الجابوني في دوري الأبطال والتحقيقات التي تجرى في هذا الشأن.

التعليقات