مدرب المنتخب السابق مهاجمًا أحمد حسن”:سب عضو الجهاز بالأب والأم”!

رد زكي عبد الفتاح مدرب حراس مرمى منتخب مصر السابق ومدرب لوس أنجلوس الأمريكي الحالي على تصريحات أحمد حسن بأن زكي وبرادلي كانا أسباب عدم وصوله لرقم أكبر في عمادة لاعبي العالم.

وقال زكي :”أحمد حسن لما جينا كان محتاج مباراة علشان يوصل للرقم القياسي ولاعبناه ماتش البرازيل”.

متابعًا “اقسم بالله برادلي قالي دي حاجة هتتحسب لمصر وانا هلاعبه اكبر عدد م نالمباريات علشان يوصل لأبعد رقم ميقدرش حد يحققه، رغم اننا بنبي جيل جديد لكن قولنا دي حاجة كويسة لازم نساعده فيها”.

واضاف “أحمد حسن لازم يشكر برادلي بدل ما ينتقده”.

وواصل عبد الفتاح تصريحاته “أول ماتش في تصفيات كأس العالم بموزمبيق في اسكندرية ببرج العرب، قبل المباراة بيوم كان عارف انه مش هيبتدي وانه في المعسكر معانا قال انا عندي تمزق في العضلة الخلفية”.

واستكمل “احمد حسن اتفاجئ تاني يوم ان قائمة الفريق في التصفيات بتكون 23 لاعب مش 18، نزل لسمير عدلي وقعد يشتمه بالأب والأم وقال ازاي محدش قالي، لو كنت اعرف كنت قعدت احتياطي وممكن العب، برادلي اتعجب انتصرف زي ده يطلع من كابتن الفريق والمفروض يكون احترافي”.

الإعلانات
كلمات مفتاحية

قد تعجبك هذه المواضيع أيضاً

نرشح لكم

التعليقات

إغلاق
إغلاق