محمد إبراهيم لـ باسم مرسي: نسيت نفسك.. وقلة الاصل طبع فيك

فتح محمد إبراهيم طيارة لاعب بتروجت السابق النار على باسم مرسي مهاجم الزمالك بعد أن سخر الأخير من وضع الفريق البترولي في جدول ترتيب مسابقة الدوري وتذيله لجدول المسابقة.

وقال طيارة عبر حسابه الشخصي على موقع التواصل الاجتماعي (فيس بوك)، :”رساله لباسم مرسي يابني انت اكيد فاكر شكلك كان عامل ازاي اول ماجيت بتروجيت واكيد فاكر انك كنت كل يوم بتروح بعد التمرين في عربيات زمايلك مش عيب كلنا بدأنا من تحت الصفر العيب لما ننسه اصلنا”.

وأضاف لاعب بتروجت، :”نادي بتروجيت هو اللي ركبك عربيه وخله الناس تعرفك ~ وعشان كده روحت الزمالك ~ عيب ومصيبه لما تتكلم كده علي مكان كان بيصرف عليك وعلي أهلك ~ وتستكبر حتي تقول اسمه ~ عشان هو بقى في موقف صعب في جدول الدوري~ انا مثلاً ليا مبلغ كبير في بتروجت بعد ماسبت النادي ولغاية دلوقتي ماختوش لكن عمري ماقدر اغلط أو اتكبر على مكان كلت فيه عيش وكان فاتح بيتي وبيصرف عليا انا وأهلي ~ رغم اني كنت رايح بتروجت وبفضل الله كنت معروف ورايح شبعان من نادى كبير نادي إنبي ~ مش زيك ماكنش حد يعرفك ورايح جعان ~ لكن عمري مانسه خير وفضل نادي بتروجيت عليا وعلي بيتي”.

وأشار طيارة، :”أن شاء الله يارب بتروجت يرجع لمكانه الطبيعي في الدوري يارب بتروجيت نادي كبير ~ ونصيحه لوجه الله الدنيا دواره يابني مابتفضلش علي حالها (ولو دامت لغيرك ما كانتش جاتلك) اشمعنه حسام باولو هداف الدوري كذا موسم وكان في الزمالك برضو ماستكبرش علي نادي الداخليه صحيح قله الأصل طبع”.

الإعلانات
كلمات مفتاحية

قد تعجبك هذه المواضيع أيضاً

نرشح لكم

التعليقات

إغلاق
إغلاق